KD 2 PERTEMUAN 1 (XII, SMT 5)

 

A.  APERSEPSI

Manungsa lair dikantheni budi utawa nalar. Kanthi nalar iku mau manungsa bisa mangerteni pakerti kang luhur utawa asor, tumindak bener utawa luput lan sapiturute. Sawise bisa mbedakake pakerti kang ala, prayoga disingkiri, lan kang becik prayoga diudi kanggo sanguning urip ing satengahing bebrayan. pidhidhikan budi pakerti, banget wigati ditrepake ing pamulangan kanthi ancas kanggo mbangun watak lan ngrembakakake nilai, sikap, lan tumindak sing luhur tumrap kabeh siswa.

Dene nilai-nilai budi pakerti kang dikarepake ing antarane yaiku tepa slira, wani tumindak bener, tanggung jawab, jujur, ngurmati marang sasama, andhap asor, sopan, sregep, nduwe rasa isin, sabar, lan sapanunggalane. Kanthi mangkono kaajab bakal bisa nyithak generasi unggul kang nduweni jati dhiri. apa maneh ing jaman globalisasi kaya ing wektu iki, tekane budaya manca prasasat kaya banjir bandhang, aja nganti ngrusak tatanan sing adiluhung lan kudu dibendung sarana jati dhiri sing kuwat. kanthi nalar becik saora-orane bisa dadi saringan kanggo milah-milih kabudayan sing jumbuh karo kapribadene bangsane dhewe.

Tugas!

Mbangun konteks

Ing kegiyatan iki siswa diajak mangerteni babagan teks geguritan. sadurunge nyinanoni babagan teks geguritan, luwih disik garapen tugas ing ngisor iki!

1. Apa para siswa wis ngerti sing diarani geguritan?
2. Apa para siswa wis tau maca geguritan?
3. Apa para siswa wis tau nulis geguritan?
4. Apa kang dadi titkane geuritan kuwi?
5. Apa kang kudu ditindakake nalika arep nulis geguritan?

NB: Jawaban tugas dikirim ana ing Google Classroom (GC)!

Nuwun.